1. Ha n'eo ket a-enep natur skoliata ur bugel ma n'eo ket ar brezhoneg yezh e familh ?
   Muioc'h eget 70% eus tadoł ha mammoł bugale Diwan n'int ket brezhonegerien. Divyezhek e teu an holl vugale-se da vezań koulskoude. Naturel eo evit ur bugel ober gant div yezh. N'eo ket dinatureloc'h sevel ur bugel e div yezh eget e lakaat da zeskiń seniń piano ..... zoken ma n'eus ket muzikerien eus e dud.
   
   
2. Bezań divyezhek ? Ya, met abalamour da betra e brezhoneg ?
   Abalamour m'eo ar brezhoneg ul lodenn eus an endro, ar sevenadur en-dro d'ar bugel. Dre ober bemdez gant div yezh, e c'heller keńveriań, sevel goulennoł ha kompren mat reolennoł sevel ur yezh. Kement-mań zo efedus-tre evit deskiń un teirvet hag ur pedervet yezh er skolaj.
   
   
3. Ha tu zo din enskrivań ma bugel e Diwan hag eń bet er skol-vamm e galleg ?
   Posupl eo, ya, gant ma vo taolet pled ouzh traoł 'zo. Komzit gant ar skolaer.
   
   
4. Petra 'c'hoarvezo ma 'z a kuit ar familh d'ur vro all ?
   Ma vez diskroget eus ar skol e derou ar c'hentań derez, e c'hell ur bugel kaout kudennoł evit ar galleg e-pad ur pennad. Diskoulmet 'vo an traoł buan a-walc'h dre gaozeal gant ar skolaer nevez hag heuliań mat ho pugel.
   
   
5. Ha ne vo ket mesket an div yezh gant ma bugel ?
   A-wechoł 'vo. Gouzout a raio ar bugel avat, muioc'h eget ar re all, ez eo ket tidel arouezioł ar yezh (sellet ouzh prezegenn C. Hagčge). Kompren a raio (ar pezh na ra ket kalz a dud unyezhek en oad) n'eus keńver naturel ebet etre, lakomp, ar ger " maison " hag an dra (ti), a c'heller envel kenkoulz " ti ", " house ", pe " Haus ". Dre ar strivoł a raio evit chom hep meskań an div yezh, e vo aesoc'h dezhań deskiń yezhoł all. Pa savo ur goulenn en ho penn, n'ho pezit ket aon da gaozeal gant ar skolaer.
   
   
6. Daoust-hag-eń en devo ma bugel diaesterioł e galleg ?
   Diskouezet 'vez ar c'hontrol gant ar priziadurioł e bro-Frańs a-bezh (CE2 ha 6vet): dre vras e vez uheloc'h disoc'hoł bugale ar skolioł Diwan eget keidenn Bro-Frańs.
   
   
7. Ha ne vo ket diaes d'am bugel en em lakaat gant bugale unyezhek ?
   Evel-just, e klasko daremprediń bugale e glasad. Lorc'h 'vo ennań o c'houzout ober gant div yezh; n'en em santo ket disheńvel avat diouzh bugale e garter ma 'z aio ganto d'ar poull-neuial, da zeskiń sonerezh...
   
   
8. Ha ne vo ket desket gant ma bugel brezhoneg betek re ?
   Kontomp asambles war ur sizhunvezh : 7 devezh 24e = 168e, en o zouesk 70e kousk, chom a ra 98e. 26e er skol (brezhoneg met galleg ivez er 1ań derez), 72e gant ar familh, ar vignoned, h.a. e galleg alies-tre). Da lavaret eo 25% pe 30% eus an amzer (er-maez ar c'housk) e brezhoneg.
   
   
9. N'omp ket brezhonegerien. Ha tu 'vo dimp heuliań hor bugel er 1ań derez ?
   Ya, diskouezet 'vez dre skiant-prenet. Bevet 'vez kement-mań er skolioł gant tadoł ha mammoł all. Posupl e vo dezho komz ganeoc'h. Alioł a c'hallot kaout digant ar skolaerien. Prantadoł studi diouzh an noz a zo e skolioł 'zo. Goulennit digant an AEP. Ouzhpenn-se, e c'houlennit strivoł digant ho pugel, strivoł diouzh ho tu zo d'ober ivez. Talvezout a ra ar boan ha neuze e welo ho pugel ez oc'h troet da vat gant ar choaz ho peus graet.
   

A-benn nebeut e klevoc'h ho pugel o komz en ur yezh n'ho po ket degaset dezhań, hag eń mont war-raok ken na viot souezhet. Kendrec'het e viot da vezań bet dibabet mat neuze.